荷李活性格影星尊尼狄普(JohnnyDepp),前日飛抵日本宣傳新片《華麗怪盜》(Mortdecai),今次佢拖埋未婚妻安芭赫德(AmberHeard)恩愛宣傳,唔少日本Fans都黐住尊尼狄普喺新片入面嘅假鬚接偶像,場面熱鬧。
尊尼狄普同安芭赫德拍完《加勒比醉愛日記》(RumDiary)之後,人前人後都表現恩愛,噚日本來舉行東京嘅記者會,就因尊尼狄普身體不適臨時取消,今日先會補見傳媒。至於傍晚舉行之首映禮,吸引1,500人捧場,兩位主角就遲咗成粒鐘現身,好彩尊尼都好識做,停低逐一幫影迷簽名同影相。