將軍澳日出康城新盤LP6將於本周六進行次輪認購，發售488伙，今晚八時截止認購登記，藝人也作最後衝刺。現年28歲的藝人林芊妤（Coffee）今日大住肚睇樓，今日下午5時左右前往九龍灣售樓廠參觀示範單位，最終成功在代理游說下入票認購。

《蘋果》今日找過Coffee查詢，她表示早前買樓「個經紀俾資料佢，叫佢去睇下，覺得幾吸引同幾抵就去抽吓籤。問Coffee算唔算係老公送給她的結婚禮物？她笑住回應：「老公唔知架，我同佢財政獨立，自己諗住買嚟投資之嘛，可能今晚同佢講吓，唔係結婚禮物呀，邊有呢啲嘢架，同埋我唔鍾意人哋買嘢俾我，鍾意自己買俾自己。」

不過，Coffee話估計自己未必抽得到，但都冇所謂。佢話：「之前嗰間買嚟自住，依家屋企人住緊，咁見呢度都近屋企，覺得環境都幾好就抽下。（如果買唔成有冇其他目標？）冇呀，買到就當係送俾自己生日禮物，買唔到都冇所謂。」消息指，項目暫收逾5,000票，據知九成為復活票。

記者:朱連峰

全球樓行 Dream House零距離
https://hk.feature.appledaily.com/overseasproperty