【終於出關】陸詩韻良心價賣防疫用品 冀保商譽望翻身
蘋果日報 2020/03/08 16:30
陸詩韻防疫用品
受武漢肺炎疫情影響，不少商場活動都因為避「炎」取消，昔日熱鬧情況不再。而陸詩韻今日終於「出關」在紅磡出席活動，在有距離之下除罩現身，她表示：「近月活動全部取消延期，對上出嚟係上月宣傳劇集，咁就大半個月，好慘咁。」
商戶在逆境求存艱辛，陸詩韻一直經營網上及批發護膚品生意，拉上補下平衡，她說：「對我嚟講未必太大影響，大家唔出街反而多咗人上網買嘢，但同時有做批發，批發生意慘淡到返貨頻率可以零雞蛋。」幸好有網店撐住，生意額上升一半。
陸詩韻網店有售賣消毒防疫用品，為回饋社會低價出售：「冇乜點賺錢，做生意信譽好緊要，有貨先出到畀人，今次係良心價，消毒液50ml賣10元。」她知道巿面很多炒價售賣防疫用品，但她卻堅持自己銷售方式，希望做生意是長遠，而非一次性。提到生意收支預算，她坦言：「唔敢諗，睇下半年走勢，可能情況好咗消費欲會增加，到時係翻身好機會。」陸詩韻經營美容產品均來自日本，近日受疫情影響，暫時停飛日本傾生意。
採訪：卓寶花
攝影：仇志德
攝影：仇志德
（攝影：仇志德）
陸詩韻指自己在家閉關大半個月。
她又指自己在網店賣消毒防疫用品，為回饋社會低價出售。