當年今日
關於我們
求驗客手記:英超鐵漢人大膽細 D賓最怕蜘蛛 - 求驗客
蘋果日報 2009/12/22 00:00
每個人都有「死穴」,有人見到獅子、大象都唔怕,但就偏偏對小昆蟲例如蟑螂等就避之則吉。新特蘭前鋒戴倫賓特(D賓)就係呢類人。咪睇佢身形高大,又黑又實,就係一隻蜘蛛可以收死佢,而更弊嘅係出年舉行世盃決賽周嘅南非,出名多蜘蛛,呢位今季入咗10球嘅邊緣英格蘭國腳都咪話唔驚。不過,D賓為咗一嘗參戰世界盃,正密謀用盡方法克服對蜘蛛嘅恐懼,有傳佢會用催眠方法,狂念「你睇我唔到」,等見到蜘蛛都冇有怕。我求大俠雖然有啲懷疑D賓用催眠法嘅可行性,但到時世盃唔想影響表現,真係咩方法都要試!