周三谷草賽事排位已於今早公佈，兩場盃賽分別為第三場三班1800米美國會所盃及第六場三班1200米新設的香港華人會計師公會盃。蔡明紹及潘頓均出足八場，不過講到最有運騎師應該係蘇狄雄，雖然只得五匹座騎，不過當中二場「叻先生」、五場「頌友」及六場「心中有程」均抽到一檔起步，另外三場「如虎添翼」及七場「勁飛翔」亦分別排五檔及二檔，可以話未跑先贏運，咁多內檔馬喺手隨時起孖都唔奇。