現年22歲青春甜美、曾喺劇集演翻版李麗珍嘅王敏奕(Venus),同曾志偉個仔曾國祥(Derek)拍拖半年。
今日有報道指Venus正式「脫貧」,搬離公屋,上月正式入主男友位於九龍塘嘅僑園千呎寓所,展開同居生活。
Venus未滿1歲隨母從內地來港定居,家住百呎公屋嘅Venus,喺14歲時已經任模特兒,半供讀兼照顧同母異父嘅7歲細佬,深得「未來老爺」曾志偉歡心。
有指Derek以前爛玩花弗,因為佢係志偉個仔,唔使媾女都有女送上門,但自從同Venus一齊之後,Derek成熟咗好多,少蒲又黐家,放工就返屋企陪女友,志偉對Venus有讚冇彈,家庭聚會都預埋Venus。
報道又指Venus以前月入得幾千元,多得志偉監製嘅劇集帶挈而人氣急升,同時獲「未來老爺」安排拍戲做女主角,獲曲線「泵水」。
Venus上月正式搬入曾國祥位於九龍塘、現巿值約千5萬豪宅,Derek嗰架寶馬都畀埋女友代步,可見兩人感情檼定,兩人0依家喺人前人後都咁sweetsweet,經常糖黐豆,相信曾志偉呢杯新抱茶都唔使等太耐喇。