甜品是女人的至愛亦是大忌，但如果話你知食糖水都可以食得健美又點睇？向來以各種藥膳糖水作賣點的飴軒，最近在跑馬地再次出擊，除多了各款健美糖水外，各式健康麵食同小食都會同場出動，最主要係樣樣都款款口味都崇尚自然，無添加任何味精，可以食得放心。

<spanclass><fontstyle>墨魚條竹撻河粉$22 冰清窈窕茶$20  用新鮮墨魚肉打製成一條條墨魚條，配上以人手用竹撻成的竹撻河粉，特別滑溜。湯底可選清湯、酸辣或沙嗲，食得更香濃惹味，飲埋杯用上12種藥材煲成，有降脂清腸胃作用的窈窕茶，Fit晒。</fontstyle></spanclass>

<spanclass><fontstyle>撈甘笋麵$27  麵最怕就係有陣鹼水味，而這裏的高纖麵就絕無鹼性，以高纖維素代替麵粉，加入甘笋汁做麵，不含殿粉質自然唔會肥，再用鮮熬的瑤柱秘製醬汁撈嚟食，美味又健康。</fontstyle></spanclass>

<spanclass><fontstyle>四式湯丸拼首烏芝麻糊$32  四式分別是用杞子餡的杞子湯丸，蜜瓜味、黑芝麻湯丸同飴軒湯丸，飴軒湯丸一粒有齊花生、芝麻兩種餡，拼芝麻糊，一碗有晒烏髮、滑腸、明目、清熱解毒幾種功效。</fontstyle></spanclass>

店名：飴軒藥膳保健甜品 電話：28319133 地址：跑馬地景光街32號地下

跑馬地無添加糖水店