西貢牛牛被縛頸裝GPS 揈唔甩流淚勁心酸
蘋果日報 2021/03/15 00:46
牛頸箍GPS西貢
有牛隻關注組早前上載兩條短片，看到一頭牛被戴上懷疑GPS頸箍，牛隻不斷搖擺頭部企圖揈走頸箍但不成功，更流下眼淚。其中一條片段長約43秒，全程均見牛隻不斷搖擺頭部，表現不安及煩躁。而該條頸箍由黑色尼龍帶製成，闊約2吋，頸箍下方縛有一個黑色長方體儀器，懷疑是GPS，表面亦貼有一個編號，寫上「002」。
另一條片段長約3秒，看到黃牛流淚，令人心酸。牛隻曾走近樹枝，嘗試借助解下頸箍，但同樣不成功。片段未有交代有多少黃牛被戴上頸箍，亦未有交代事發地點，但有留言指位於西貢東郊野公園創興水上活動中心，而牛隻編號為「531」。
《蘋果》下午到水上活動中心外了解，未見有任何牛隻，行山客方小姐表示，平日都會見到牛隻在路邊休息，但未見有牛隻戴上懷疑GPS頸箍，估計有人想透過GPS頸箍，觀察牠們的生活習性。另一行山客呂小姐亦指未見類似情況，估計有人想保護牛隻才作出此舉，「我諗我唔會搞佢，因為都唔知發生咩事」。
片段上載社交網站後引起網民熱議，部份留言均問如何幫助牛隻，及能否拆除頸箍。亦有留言指已電郵或致電政府熱線投訴。
漁護署：「531」試戴頸帶一段時間 並無異樣
過往亦曾有野豬被戴上GPS頸箍，更令野豬受傷流血。漁護署表示，牛牛所戴的GPS頸帶涉及一項由漁護署及機電署共同合作的試驗計劃，以「物聯網技術」偵測野外牛隻的位置，以利用相關技術，協助署方進行「牛隻數量及分佈普查」；及了解部份牛隻的行走路線及逗留地點，然後據此嘗試找出避免牛隻及車輛交通意外的方法。
現時全港只有一隻牛「531」戴有相關GPS頸帶，而該牛隻在回到西貢郊野公園前，已於漁護署轄下行動中心試戴該頸帶一段時間，其間並無異樣，昨日（13日）收到有關投訴後已派員到現場巡查，其間發現該牛隻如常進食，亦没有其他怪異行為。 漁護署及機電署稍後為計劃作初步檢討，未來數星期將會每星期至少兩次，到西貢郊野公園檢查該牛隻及其GPS頸帶，以確保頸帶運作正常，及牛隻健康不受影響。
網民留言節錄：
KreiOs Lorin：點解要掛gps，點解係依款，若果幫佢除咗有咩問題？勁似俾魚絲纏住嘅海龜
Elaine Tong Law：乜啲科技咁落後㗎！打粒 chip 入後頸咪得囉……科技發展局食飽兜住撑嘛？
Sherry Chan：牛牛做錯乜事要用呢個鎖鎖着佢？漁護署獸醫不如你試吓放上你頸上先
現場所見，未有牛隻出現。
方小姐指平日都會見到牛隻在路邊休息，但未見有牛隻戴上懷疑GPS頸箍。
另一行山客呂小姐亦未見情況出現，亦指：「我諗我唔會搞佢，因為都唔知發生咩事。」
fb「西貢十四鄉村牛關注組」片段截圖
fb「西貢十四鄉村牛關注組」圖片
fb「西貢十四鄉村牛關注組」圖片
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！