當年今日
關於我們

【李八方online】重貼89年5.28舊照 單仲偕係葵青區指揮

蘋果日報 2018/06/04 10:40

六四單仲偕李八方

當年輕一代望見擋喺坦克車前面嘅王維林,以為係唔知邊一套戲嘅劇情,完全唔知道89年嘅春夏之交,有件大事大非唔會係ok嘅事發生,查實所有成年人都有責任,因為歷史要傳承,口耳相傳外,有時一張相,勝過千言萬語。
民主黨前立法會單仲偕噚晚就喺facebook重貼89年5月28日聲援北京學運嘅相,呢個日子好特別,值得大家記住。當年5.28,世界各地舉行「全球華人大遊行」聲援學運,香港各地區都有市民參加,時任葵青區議員嘅單仲偕就係葵青指揮,最終當日全港有破紀錄150萬人上街,冒住烈日高叫「民主萬歲」、「自由萬歲」、「打倒鄧李楊」,喺上街人數或人口比率,都係世界城巿之冠。重溫舊照,單仲偕無非溫提大家毋忘歷史,今日維園見。