九龍塘又一城商場百佳超級市場以防盜為由，將電腦條碼貼在罐裝奶粉膠蓋內，有顧客指此做法有可能污染奶粉，嬰兒吃後有損健康。食環署跟進本報轉介投訴，勸喻超市將條碼改貼於奶粉罐面，減低奶粉受污染機會。

《蘋果》讀者魏先生稱，他早前在又一城商場百佳超級市場，購買一罐400克裝美贊臣「安嬰兒A十」奶粉。返家後，他撕開圍繞奶粉罐膠蓋膠紙，再揭開膠蓋，準備開奶讓其三個月大兒子食用時，發現膠蓋底部，被超市預先貼上作防盜用途的電腦條碼。
「我諗佢係唔想俾人咁容易撕走條電腦條碼，偷走奶粉，所以就將條碼貼喺膠蓋底，再用透明膠紙包番住罐奶粉。但係佢咁樣搵人預先揭開膠蓋，貼上條碼，咁咪即係膠蓋底會俾人掂過，好唔衞生啫！」

掂過膠蓋細菌沾染
他又說：「雖然奶粉罐重有一塊蓋掩，但開奶粉時會先拉開塊蓋掩，然後掉咗佢，只係用個膠蓋冚住罐奶粉。如果個蓋底俾人掂過沾染細菌，啲奶粉都可能會被污染。」
魏先生稱，由於初生嬰兒腸胃敏感，奶粉如受污染，容易影響健康，他盼超市更改處理條碼方法。
記者到又一城百佳超市查察，發現該店處理大部份罐裝奶粉電腦條碼，均是貼在膠蓋底；其他百佳超市如青衣城店，處理方法亦一樣。