今日係達達大師劉以達51歲生日，佢同太太特別揀咗喺太子一間酒吧舉行生日會，同一班志同道合音樂人夾Band慶祝生日，順便宣佈以達哥命名嘅網站www.lauyeetat.com正式成立。

切蛋糕嗰陣，達哥獲鄭嘉嘉、龍小菌、葉子菁同蝦頭送花獻飛吻，太太更送上BirthdayKiss。揀喺生日正式成立自己網站，達哥話:「今次係我第一次以自己嘅名成立網站，大家日後可以喺網站下載我啲歌，瀏覽我嘅珍藏，甚至可以透過網站買我嘅模式作品，另外大家亦可以喺網站訂製自己想要嘅鈴聲。」

達哥感激身邊有班熟悉電腦嘅朋友幫忙，令佢順利完成件事，大家仲分毫不收，嚟緊佢會太約一個月推出一首新歌，亦會搵嚟唔同類型女歌手合作，已經合作嘅有王菀之、龍小菌同鄭嘉嘉等，佢仲話原本邀請咗王菀之嚟，可惜對方忙住籌備演唱會，半個鐘都抽唔到時間。