近期沙田馬場四班1400米賽事，由四歲馬控制大局，近五場同班同程，除一場三歲馬賽新馬錦標不容許四歲馬跑外，其餘四場皆由四歲馬建功。

今期元旦日第三場四班1400米，幾匹四歲馬中，徐雨石馬房「帝勝之星」今季已在田草不止一次展現非凡後勁，今仗由谷草重返此場地，並起用雷神莫雷拉，當然是牌面分子。

「帝勝之星」今季初出跑1400米遇上不利之慢步速形勢，仍衝22秒17追入季軍，末段締速比當日三班同程所有參戰馬仲要快，翌仗再跑1400米遇上更慢之步速，此駒雖然已跟得較前，亦再次交出全場最快末段，可惜仍落第收場，兩仗均輸形勢而已。

上仗「帝勝之星」轉跑谷草一哩失準，騎師潘頓解釋因馬匹在陣上搶口，敗後休息個半月重新備戰，今仗重返田草打王牌兼改配莫雷拉，原來雷神、徐雨石今季在沙田賽事合作六次，獲兩勝三位佳績，睇部署決心要替這匹未交代馬勝回一仗。

==============================================================
【minigame】2017瘋暈人物 返工打機唔使擇日
http://bit.ly/2CeWQkP