今期（11日）沙田編跑十場，三泥七草地，草地用利前置C跑道，至於三場泥地都跑短途1200米，放頭馬始終較數。潘明輝復出，受歡迎程度不遜莫雷拉，潘頓所有座騎均具爭勝機會，可優先留意。

第十場三班草地1600米，「智者」剛戰落四班跑，由潘頓執韁肯搶主動帶放順利贏番仗，賽後回升三班，復課保持正常操練，論狀態更勝上回。論實力在三班一定可立足，季初僅負於「高利多」及「哈蝦巴爸」得季軍，今仗升班換上潘明輝，負磅輕上加輕，106磅會好好跑，有力再建一功。

同場「快樂寶貝」復課有正常操練，贏馬加五分唔多，今場排六檔，可能由佢貼欄帶放，而「智者」可跟隨其後守好位，只要這兩駒並非自殺式鬥快鬥散，有機會包辦單Ｑ。

「快樂生活」復課快跳依然四蹄盡展，勇況甚盛，轉戰沙田照計更好追。「嬴風雲」多跑成熟漸進，復課拍跳好輕鬆，狀態無低落，但賽績顯示未曾打疊跑得好，故作配為合。「首飾大帝」後休復出，有一定優勢，但埋門試閘省落有點牽強，體重公佈亦下跌，並非好現象。