馬會一向重視會員權益，尤其有養馬的一群，為咗對呢班米飯班主好啲，每年都會搞個會員盃賽馬日，以表重視。

又或者有特別情況，好似今季中，李嘉欣老爺許世勳憑「獻惑」贏出個人在港第100場頭馬，之後成班馬會高層一齊恭喜佢，而現年90幾歲的許老先生當時亦在場親領紀念獎，以示尊重。

不過呢班高層千祈唔好做漏咗一樣嘢，就係「馬來」系馬主陳偉南今年百歲大壽，今晚佢隨時贏馬揚威谷中。

話雖說回來，陳老先生已經好耐冇贏馬，如果呢晚（27日）第三場佢隻「珍珠寶」（蘇偉賢馬房）贏到馬，佢就可以另外兩位聯名馬主，亦即是其乖仔陳幼南及孫仔陳誠傑，首度三代同堂贏同一匹馬，從而締造一項本港賽馬新紀錄。