Joy表示，前晚在元朗有防暴警舉槍指向她，「係我隔籬個路人同警察講唔好射佢，先知拎住支槍向住我」，後來有人告訴她被防暴警用強光電筒照射。同一晚另一個位置，Joy站在行人路上，附近沒有示威者，卻被防暴警要求離開，「佢話第一次警告我可能參與非法集結、影響社會安寧，我咪同佢嘈咗幾句」。她又聽到「嘭、嘭、嘭」聲音疑似警方射催淚彈，「我冇聽到任何警告，隔籬啲人都話冇舉旗」。
她認為，防暴警做法對失明人士有歧視之嫌，且不適當，「我揸住支竹，好明顯係失明人士，無理由唔講警告就用槍同電筒對住我，盲人係唔知道受緊武力威脅，唔講亦唔知你舉旗」。她呼籲警方在使用武力前，須以口頭警告，但暫未決定是否會向警方投訴，強調警方惡行無阻她再上街的決心。
■記者張文鈴