「用乜嘢棺材都冇乜所謂咯，橫掂都係燒㗎啦…」獨居牛頭角下邨的潘婆婆，沒有結婚沒有兒女，如今已屆風燭殘年，每每為自己身後無人殮葬而鬱鬱寡歡，但對於百年歸老後用甚麼棺材，潘婆婆反而很開通，覺得用甚麼質地的棺材不要緊，「最緊要環保，為下一代吖嘛。」
鬢髮斑白的潘婆婆，今年已屆72歲。談及自己的身後事，潘婆婆毫無忌諱地說：「我喺10年前就諗過，就算自己好慳，慳到啲錢都冇人理，難聽啲講句，就算自己喺地下掘個窿，臨死捐入去，都要搵個人埋咗佢㗎，我咪覺得好擔心咯。咁多年嚟，呢個心結一直未解開，所以好憂愁，好唔開心，有時甚至好暴躁，呢啲嘢又難同人哋開口講嘅，唔單止我，我啲老友都係咁。」