郭時興認為，冰鮮雞來港數量不受限制，相信走私來港機會不大。港九新界家禽批發零售商會主席黃偉泉則說，本港一直有來自內地的走私冰鮮雞，主要經陸路運港，「呢啲不斷都有㗎啦，可能海關捉唔到，但係新鮮雞就好少㗎啦，價錢又唔係好，寧願走人都唔走雞啦！」
立法會議員黃容根同意活雞走私情況罕有，但冰鮮雞走私則仍存在，「不斷都聽到話有走私肉類。」他又稱，大型連鎖店舖分店眾多，只需一張衞生證明，即有可能混入走私雞，「佢哋憑一張證，就可以入成一千公斤肉，分賣嘅時候，好容易魚目混珠，有走私肉都唔奇。」他建議政府加強來源地管理及增加突擊抽查的次數，杜絕走私肉類。