大摩上季贏70場頭馬封王，當時急於派遣廐內不少質新馬上陣爭功，例如「花月流星」、「再出奇」、「勇士勁」等，而這批馬之後需要一段時間回氣，今個季初上陣表現遂走樣。不過，牠們經過幾個月回氣，近期已相繼交出成績，而大摩在三月份已贏七場，頭馬數目直線上升。

自從摩加利從澳門回澳洲發展以來，為大摩搜購大量優質自購馬，如「明月千里」、「佳龍駒」、「精氣神」等，來港後都能夠迅速交出頭馬，目前評130分的「新力風」，更加是摩氏昆仲的代表作。

星期日打吡大日子第八場三班1200米的「彩福」，來港前亦是由摩加利訓練，測試過能力才安排運港。上季插班後第二仗初跑同程，當時狀態未算十足，都能夠順利贏馬開齋，反映質素絕對唔差。今季一直報跑1400米，雖然亦能夠取得一冠三亞，但締速並不算出色，跑1400米的能力未算高，性能始終跑短好過跑長。

「彩福」目前84分，而今場評分區域70至90分，實際上是二、三班混合賽，同場對手亦未曾在季內贏過二班賽，屬二班弱組賽事，升班的考驗不大。此外，四歲馬必定把握機會贏馬，拎埋首勝二班賽的75萬特別獎金，鬥志肯定好，縮程更啱腳法，近三仗獲一冠兩亞，莫雷拉肯繼續騎，有力再下一城。