今集《老表》阿Bob繼續晒腩,仲要做埋衣櫃裡的男人。佢同盈盈酒後亂性,點知郭晉安殺到上嚟,阿Bob為避開佢,盈盈想塞佢入衣櫃同床下底,當然唔多夠位又易穿煲。
最後阿Bob唯有拎埋衫褲鞋襪爬出窗,盈盈情急之下將阿Bob個手提丟落廁所,唉!就算做過「一夜夫妻」,盈盈都係唔理佢,佢當然傷心欲絕啦,呢個時候就奏起林峯首《愛不疚》,配埋佢個頹廢樣,個feel即時perfect池。
之後佢唔死心,仲死纏盈盈,仲整埋燭光晚餐,但郭晉安再失驚無神走上來,佢又要走出窗,今次仲帶埋花求婚,阿Bob喺窗外聽到,真係傷心欲絕呀!宅男睇到呢度,唔知係咪感同身受呢?