八方身邊唔少親戚朋友同事，近期都為BNO頻撲；反觀香港啲高官親人，好多都有外國護照，當然唔會明白小市民嘅苦況啦。

話說特首林鄭月娥星期二（23日）晚，喺中國發展高層論壇網絡簡報會致辭，話自從全國人大決定訂立「港版國安法」之後，有大量來自外國政府嘅不公允批評。佢總結呢啲批評係「雙重標準」和「偽善」，話所有指控中國嘅國家，本身都有國家安全法。

老公同囝囝都係英籍嘅林鄭仲話，聽到好多外國人講，要畀香港人擁有外國居民資格，或者威脅要制裁香港，聲稱同香港人「站在一起」。但林鄭形容，呢啲外國人講嘅都係「花言巧語」、「偽善」，話要放長雙眼，睇吓當佢哋國民嘅反應或政治環境，令呢啲「撐港人」行動變得不受歡迎嗰陣，會變成點樣嘅結果喎。

林鄭又反駁，關於香港聯繫匯率嘅流言，話聯繫匯率自1983年實行以來，都唔使美國批准，亦無意改變。林鄭仲話，香港銀行業健全，有4,400億美元嘅外匯儲備，相等於貨幣基礎2倍，聲言有能力捍衞任何對聯繫匯率嘅惡意攻擊。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多