當年今日
關於我們

汪圓圓囡囡又白又乖似足小公主

蘋果日報 2014/09/26 06:00

蘋果貝安琪Jessica即時湛琪清

貝安琪同湛琪清(JessicaJann)以模特兒身份,今日喺尖沙嘴新太陽廣場為「潮賞型國慶」活動宣傳,汪圓圓表妹湛琪清話第一時間見到姨甥女,感覺姨甥似迷你版圓圓,Jessica話知道圓圓喺坐月階段,所以送咗啲花膠等補品畀圓圓。

Jessica話:「BB好乖,好白,好似小公主。百日宴應該會搞,可以屋企人一齊慶祝,但係未確實。」Jessica自認有約會又有人追,但係未有拖拍嘅Jessica話:「依家仲後生,想做好工作先。」

貝安琪近期就忙住拍媽咪執導嘅電影《許願樹》,貝安琪話:「今次係第二次同媽咪合作,學到好多嘢,我今次係做主角,但係原來做幕後都好開心好玩。」貝安琪透露,今次會同兩個男演員有感情戲,至於講到親熱戲佢就大賣關子。