當年今日
關於我們
隔牆有耳:熄燈順便浪漫 - 李八方
蘋果日報 2009/03/29 00:00
熄燈喇!噚晚「地球一小時」活動,大家有冇熄燈?八方都想熄燈,可惜唔可以咁早收工,惟有挑燈趕稿。白鴿黨甘乃威忽然有詩意,噚晚喺屋企響應熄燈一個鐘改點蠟燭,仲趁機同老婆食燭光晚餐玩溫馨。
呢招一石二鳥,都算老婆絕橋,甘威話特別點起12支蠟燭,仲要加埋兩支玫瑰,至於有冇心形牛扒,佢冇透露。甘威又話,由於工作繁忙,佢同太太平日都冇乜機會撐枱腳,遑論燭光晚餐,所以熄燈一小時,唔止有助環保,有機會同屋企人食餐飯仲有意義。事實上要節省能源過綠色生活唔係太難,同抽時間陪屋企人一樣,最緊要有心。