【再戰亞姐】「池美麗」輸完又嚟選 吳玥彤暗嘲港姐發展有局限
蘋果日報 2019/09/20 18:22
何麗全2019亞洲小姐吳玥彤
攝影：陳慧安
2019亞洲小姐香港賽區，今日20多名候選佳麗在銅鑼灣進行首輪面試。除了有曾參選港姐但三度落選的范莎莎外，現場亦見今年落選港姐吳玥彤，以及未入圍的蘇雙兒及胡楚珊轉戰選亞姐。
曾入圍今屆港姐最後15強，但最後落選的24歲吳玥彤，問到是否看見師姐梁雪瑤，去年選港姐後轉戰亞姐獲冠軍，故來參加？她說：「希望可以，同埋希望見到師姐可以了解更多。」她又表示想趁年輕來參加，問到參選港姐落敗會否覺得不值？她說：「唔會，攞咗好多經驗，學咗唔少嘢，有咗經驗信心大啲。」再問參選港姐與亞姐有何不同？她說：「唔同，亞洲小姐之後會代表香港出賽，而香港小姐區域就限於香港。」吳玥彤表示，現時會努力讓大家看到她的改變及進步。
至於參加今年港姐但未能入圍的27歲蘇雙兒，身為越南、澳洲混血兒的她，就指港姐選美比較傳統，喜歡膚色較白的女仔，問她是否覺得因膚色而影響入圍？她說：「每個人標準唔同，今日評判標準亦都唔同，都有信心參選。」
另外，同樣在面試港姐但未能入圍、自稱被網民覺得似劉佩玥的21歲胡楚珊，就指今日來玩、吸取經驗和認識朋友，她稱參加亞姐抱平常心，對於之前被批評似池美麗，她就該非常大反應說：「梗係唔似，我咁瘦，但有啲肉哋係好，唔通瘦到排骨咁咩。」她表示現職教書，在加拿大及香港均有教英文，當追問她更深入的資料時，她說：「你哋會醒（寫）我靚啲？再話我係池美麗我嬲嬲豬，唔講畀你哋聽。」而三次參選港姐失敗的范莎莎，則指經朋友鼓勵下首次參選亞姐，雖然今日有一點信心 但因面試要講普通話，故有點甩漏。
亞視行政總裁何麗全透露，今屆亞姐8月開始網上招募年齡由18至28歲的女性，首輪面試以傾談介紹為主，大約27人，今年反應比去年好，收到表格有超過100張，但亦有不合資格。對於今年有很多落選港姐參選，何麗全說：「係呀，好事，畀啲女仔更多機會，選美眼界準則唔同。」他又透露今年選美得獎者除了獲得演員身份外，亦可以做最熱門「網紅」行業，是吸引更多人報名的原因。而香港區決賽定在11月2日舉行，到時會有十位佳麗入圍，之後還有大中華區的總決賽。
採訪：曹家誠、卓寶花
攝影：陳慧安
攝影：陳慧安
吳玥彤指亞姐之後會代表香港出賽，而港姐就限於香港。
今年29歲的康沂，在2014年曾參加港姐但落選。
何麗全指亞姐招募反應熱烈。
28歲的羅燕霏自稱演員，她指 做演員當年覺得名氣好緊要，故嘗試參加亞姐。
24歲張壬怡，現時為補習老師。
范莎莎指今次是經朋友鼓勵來參選亞姐。
對於之前被指似池美麗，胡楚珊就反應很大，表示覺得不似。
24歲的趙凱明，除開設美容店外亦有擔任面包台節目主持。