【新增圖片及內容】

「收視福將」、46歲嘅馬浚偉呢次孖視后胡定欣主演大台劇集《宮心計2深宮計》，佢哋對收視好有信心，胡定欣早前出席活動，佢大爆同馬仔劇中有「床戲」，佢哋拍時仲影咗床照私藏，胡定欣話如果收視創新高就公開呢批床照：「等到有30億收視啦，我隨時準備好公開呢批床照。」

噚晚，馬仔就喺社交網貼咗自己一張BB祼照，佢趴喺長櫈，表情天然呆，但重要部位貼上小雞雞圖案，馬仔留言：「按目前的點播率，很快要破10億......那，三郎就發一張裸照，提早兌現承諾吧......#三郎祼照#宮心計2深宮計#」《蘋果》今日問番馬仔，佢短訊回覆：「因為之前訪問答應咗，過30億就放我和定欣拍戲的秘密床照，10億就我個人裸照，玩咋，大家開心。」馬仔又幾講口齒噃。

今朝三郎終於找數，喺微博貼咗一張半身露膊照，仲送多個豬鼻㖭，留言：「好啦好啦，破10億了！兌現承諾，不過我又白又沒什麼肌肉，真的沒什麼看頭.....那就意思意思啦！」

到咗傍晚，胡定欣都喺微博度找數，貼咗一張兒時嘅裸照，留言話：「我用兩點來換你十億點擊率!!!」仲貼咗三個機智嘅表情貼圖添！唔知大家對於馬仔同定欣嘅找數方法有冇異議呢！？

精選娛聞，喺晒《娛果》
http://fb.com/appledailyent