Dear Jane 今日到商台宣傳新歌，正值主音Tim 當新手爸爸之際新歌《 也許我不會活多一歲》同時面世， 得到隊友喺製作同宣傳方面協助，令Tim放心去做個稱職爸爸。

剛剛榮升父親一星期，湊住愛女Tanya Faith，Tim話：「真係攰喎 ，未生之前個個都同我講， 依家係親身感受到， 唔會一覺瞓天光 ，只係得幾個鐘頭小休，好彩有陪月姐姐，bb比較靜態，唔係經常喊，我o地o依家調教到一個時間，我同太太輪流照顧bb 。」隊友暫時未去探bb，要bb抵抗力好啲就會同大家見面，Tim話：「bb成日瞓覺，但眼仔好大，都好想知佢第日係乜嘢樣。」

新手爸爸面對湊B有難度，Tim話：「換片、餵奶都好濕碎，最難係唔知佢點解喊，我都有幫bb換片，唔算難但要好細心。」

身為創作人嘅Tim，有冇諗過寫一首歌畀囡囡呢？ 佢話：「好多人都問我呢個問題，但現階段我情緒太清醒，每日返到屋企好有步驟地知道要做啲乜去湊女，冇一個創作嘅心情，等bb大少少先啦，解決咗啲未試過嘅事情先。」 至於喺工作方面，Tim多得班兄弟幫手，可以分配到時間。

想隨時獲得更多親子資訊，快啲like Easy PaMa Facebook啦！
https://goo.gl/1qWM8g