曾演出韓國育兒節目《超人回來了》嘅「得意妹」秋小愛，唔經唔覺已經6歲大，唔止越大越靚女，更遺傳咗模特兒媽咪矢野志保嘅優點，年紀輕輕已擁有一雙長腿，早前更飛到巴黎做小模特兒行騷0添。

雖然小愛並唔喺韓國長住，但佢一有時間就會孖住老竇秋成勳返韓國見吓熟人。秋成勳嘅綜合格鬥選手後輩金東炫今日喺Instagram上載咗與秋成勳、小愛嘅合照，相中小愛嘟起嘴仔賣萌，而今年10月先踏入7歲嘅小愛，已經高到老竇心口喇！至於金東炫亦留言大讚小愛又靚女咗，更笑指將來想與秋成勳對親家。

另外，男星宋一國亦有喺Ig公開三胞胎嘅新相，只見三胞胎仍然係相同打扮，各擺出唔同姿態咁畀老竇影相，依然可愛。

更多韓流，喺晒《娛果》
http://fb.com/appledailyent