雷頌德（Mark）入行20多年，除了是音樂人，現在還身兼經理人一職，去年簽19歲新人張美儀，捧做唱作歌手。他說：「樂壇好多嘢同以前唔同，唱片工業係萎縮，公司budget少咗好多，以前唱片公司肯駛錢，試過有杜可風影封套，現在相信要『大粒』歌手先有機會，除非你公司好多錢駛。」

既然知道是蝕本生意，為什麼仍願意投資？Mark認為一切是緣份，他又謂：「自己簽一個人，唔單只係同人做歌，主動性強啲，想做乜嘢歌就去做。」不過，Mark亦承認這行不是人人適合做，想一步登天一定不可能。有幸成為Mark愛將的張美儀，表示早知這年代當新人非易事，因為有互聯網後，聽歌的人都分散了，但慶幸有家人支持。

說到歌手北上發展，Mark認為：「大陸比香港market大，做乜嘅都會多資金，香港係蚊比同牛比。」他續謂：「香港藝人邊個唔想留喺香港做？個個都想！但好多香港失意，上去變天王巨星，點可以怪人北上？人哋都要求生。如留在香港無迴響，又好難怪大家將重點放上大陸。」