「淚的小花」黃紫盈因為之前以淚眼報道新聞，帶出同另一個小花張文采明爭暗鬥嘅是非，早排仲向無綫正式請辭，今日就係紫盈BB喺無綫嘅最後一日喇。

今日朝早9點幾，紫盈BB就喺facebook貼咗兩張相，一張就喺一個疑似係紫盈BB嘅人企係塊鏡前面自拍，仲影到一塊布景板同電視機，仲打咗句：「ChallengingButRewardingThankyou.」而另一張就係影住自己10月16日喺電視機上面報新聞嘅相，仲話：「某日心血來潮，拍拍電視上的自己。P.S.有緣再會。」

有傳聞話紫盈BB離開無綫之後會轉公關界，睇嚟大家都冇機會再喺電視機上面見到紫盈BB同大家報新聞喇。