馬匹閘前賠率急跌屢見不鮮，綠燈馬或啡燈馬差不多每場皆有，各馬房落飛馬數據當中，沈集成上季閘前大幅落飛馬（賠率跌幅達三成）上名率逾五成，堪稱無寶不落。

上季共有45匹沈廐馬在最後五分鐘大幅落飛，取得十一冠八亞四季逾半上名，不論頭馬數字及上名率皆是各廐之冠。

而沈廐11匹落飛頭馬中，八場來自谷草，似乎谷優於田，如「追風追月」及「好益善」上季皆兩度於谷草賽事落飛得手贏馬。

此外，用潘頓之馬匹閘前賠率急跌，上季六駒取得三勝一亞命中率極高。

另告東尼上季閘前大幅落飛馬亦取得十勝二十位，上名率超過四成，成績僅次於沈集成，當中與見習生潘明輝合作落飛馬最醒，上季十駒交出兩勝五位上名率高達七成。

尚有高伯新馬房，上季落飛雖然成績中規中矩，不過兩匹閘前賠率跌幅達五成之「勝利公爵」及「舉世無雙」分獲一冠一季。今季見高廐馬着啡燈宜多加重視。