【代言被走數】出動律師追討都冇用 羅霖：希望佢良心發現俾番啲錢我

蘋果日報 2018/06/22 15:14

羅霖髮型產品代言人失踪聯絡
    陳昭昭、羅霖噚晚去到尖沙咀出席一個車位投資發佈會。羅霖話o依家香港樓太貴，投資車位都係一個好嘅方法，做藝人收入唔穩定，買磚頭能保值，羅霖話：「之前出嚟做嘢儲嘅錢都俾個仔讀書，暫時冇首期買樓，但係o依家大陸車位20、30萬一個，都可以諗，相反做生意有風險。」
    羅霖訴苦之前做一個髮型產品代言人，所有宣傳連代言酬金都收唔到，佢話：「譚集徽爵士請我做代言人，應承俾一定嘅酬金同埋股份我，但係做完之後過咗半年都係收唔到錢，有6位至7位數字，都花咗律師費追討，但都追唔到，佢又失踪聯絡唔到，希望佢良心發現俾番啲錢我，呢兩年做埋唔瞓都儲唔到。」
    陳昭昭為今次車位投資項目擔任代言人，昭昭話：「朋友承包項目，自己帶啲朋友嚟捧場，香港車位都炒到六百幾萬，o依家落內地車位20、30萬仍然有，自己喺tvb訓練班出嚟做嘢，已經開始買磚頭，試過一年買一層樓，最多有5層唐樓， 以前啲樓比較平，百幾萬一間，之後都放晒主力做生意，蝕咗好多錢，o依家都有入一啲內地車位做投資。」
    精選娛聞，喺晒《娛果》
    http://fb.com/appledailyent
    empty
    羅霖之前做代言被走數
    empty
    羅霖話投資車位都係一個好方法。
    empty
    陳昭昭o依家主力做投資生意。
    empty
    喬寶寶亦有出席撐場。