恒生（011）新一姐鄭慧敏（Louisa），今天喺首個交易日正式上班，據華華了解，伊人已經一早預先錄製咗晨早廣播，周一早上會喺全行（包括分行）播出，聽講Louisa會喺晨播中，分享加入嘅恒生心情，覺得非常開心同榮幸，同埋讚揚恒生係一間好出色嘅本地銀行。而聽朝開完早會後，佢亦會喺中環總行，到各樓層包括銀行大堂，跟不同部組同事say hello。
恒生一直有早晨廣播嘅傳統，每日由高管開咪淺談，希望提振士氣，加強內部互動交流，有時則以員工與高層對談嘅形式進行。

700客戶送舊迎新

上周三，恒生博愛堂亦舉行咗送舊迎新酒會，送別榮休的前一姐（李慧敏）及歡迎新一姐（鄭慧敏）。據聞當日出席酒會嘅客戶多達700人，財爺陳茂波亦有畀面現身。
恒生新舵手——副董事長兼行政總裁鄭慧敏（Louisa），是該行歷來第3位女CEO，亦是來自匯豐派來的第5位恒生大班。過去數位空降恒生的舵手多來自工商或企業銀行業務，鄭慧敏在匯豐多年工作，一直擅長零售銀行及財富管理業務，作風雖然低調，但熟悉本港及亞太市場運作，2014年初，她升任匯豐集團零售銀行業務環球主管後，便一直派駐倫敦。今次接手新任務，才正式調返香港。

李華華
mailto:[email protected]

97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk