今日下午5點半，諸葛紫岐拖住囝囝薛華韜（Arthur）現身中環置地廣場，同行仲有兩位外傭姐姐。3歲嘅Arthur好乖咁一手拖媽咪，一手拖外傭姐姐。不過唔知係咪行到攰嘅關係，Arthur突然跪咗喺度，搞到媽咪反應唔切。無他嘅，Arthur都係扭抱啫！

外傭姐姐見狀，眼明手快咁抱起Arthur，最後仲齊齊行入LV掃貨。一行人去咗店內高層睇，睇嚟諸葛紫岐好專心咁shopping，而Arthur就喺廚窗向外望，佢見到記者拍攝仲感到好奇o添，相當精靈！