「對唔住，我係卧底！」新民黨葉劉噚日同廿幾位實習生食自助餐，點知團隊裏面有社民連「進擊之吳文遠團隊」成員潛伏，呢位綽號肥菜嘅社記卧底，着住件社記紅tee，再笠件恤衫赴會，席間狙擊葉劉，質疑佢點解唔同意收返Golf場起樓，葉劉同肥菜講，「你哋唔可以仇富，你畀啲泛民洗腦」，跟住黑臉話應該要有更長遠規劃。肥菜再問葉劉如果狼英再推23條，佢會點做？葉劉話佢從來都支持23條立法。食飯途中，有職員攞咗十本葉劉自傳書到場，想叫葉劉簽名送畀義工，點知葉劉發火鬧職員：「你可唔可以畀啲時間我食飯呀？」乜咁㷫呀？後來合照時間，肥菜冇同葉劉影相，齋同田二少合照。

倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24