韓國MBC王牌綜藝節目《無限挑戰》嘅導演金泰浩上月底正式離開節目，由於金泰浩身為節目嘅靈魂人物，所以今日韓國方面就傳出，隨住金泰浩嘅離開，《無限挑戰》嘅班底亦會有所唔同。

根據報道指，《無限挑戰》嘅元老成員包括劉在錫、HaHa、朴明秀等都面臨被換，據了解目前新導演正同各經理人公司聯絡及進行選角，而相關人士指目前《無限挑戰》正邀請唔同藝人見面，為邀請新成員做準備，至於後期加入嘅楊世炯及曹世鎬就預計會繼續留喺節目。

而MBC方面嘅相關人士就話關於《無限挑戰》嘅變化，正在商討多種方案，強調目前仍未有最終決定。劉在錫方面則指暫時仍在商討階段中。

更多韓流，喺晒《娛果》
http://fb.com/appledailyent