文念中從電影美學到執起導演筒，拍下首部作品《 好好拍電影 》，片中沒有講究美術、沒有視覺效果，更沒有大費周章的場景，全是記錄導演許鞍華（Ann）最真實的一面，如生活中的你我他。從中不單止讓大家更深入認識許鞍華，更重新認識她的電影世界。可能會問，為何而看？答案很簡單，因為《好好拍電影》真的好好睇，相信沒有人非議。

本身讀平面設計的文念中，入行後專注美術及服裝指導，沒想到有一天會拿起攝影機，拍下紀錄片《好好拍電影》。早前他接受《蘋果》訪問，談起首次執導，並非為做而做，而是純粹對許鞍華導演的欣賞及敬意，他說︰「我拍《明月幾時有》時，同事話華人導演好似賈樟柯、侯孝賢都有紀錄片，但 香港 就好少，只有杜琪峯，當時我有個衝動嘅念頭，日日同Ann出生入死，佢係好值得去講，我嘅出發點就係阿Ann。」

文念中跟許鞍華認識20年，在他心目中的Ann是位平易近人、對自己工作很清晰的導演，Ann更給予夥伴好大的創作空間和信任，令合作過程很愉快。工作還工作，但今次在《好》片中，文念中將Ann可愛一面也呈現給觀眾，文念中說︰「電影入面睇到佢係一個好率直、無修飾嘅人，開機前後都係同一個人。」

片中阿Ann自爆想整容，更想穿吊帶衫，雖然年屆73歲，但仍有一顆少女心，文念中說︰「今次除咗更認識Ann，我兩位女同事跟佢返大陸拍，佢哋有好多嘢傾，好似Ann想整容，唔係因為有皺紋，只係想整高啲個鼻；佢又想搵教練練返線條想着吊帶衫，呢啲佢唔會同我講，反而對住我兩位女同事就講，佢哋仲好開心影咗好多自拍，又用美圖秀秀，可以睇到Ann仲有少女心。」

為了完成《好》片，文念中不惜花了3年時間拍攝、1年時間剪片，計埋做後期及宣傳，前前後後花了約5年時間，他坦言已心力交瘁，暫時未有下一部戲的計劃。問他從中可有遺漏？他坦言︰「好多人都問我點解冇黃秋生同葉德嫻嘅訪談，今次我係以拍電影嘅初心同態度出發，劉德華同蕭芳芳係以監製角度去講；亦都有人問我成日同發哥（周潤發）跑步，點解唔訪問發哥，今次唔係訪問明星嘅紀錄片，所以訪談中係冇演員嘅角度。」

雖說《好》片是紀錄片，但從中可看到Ann不為人知的一面，如她平日的生活，會走到公園做簡單運動，還有Ann的弟妹分享與姐姐成長的點滴、跟許媽媽的母女情、對電影工作堅持其初心不變。談到《好》片如呈現一位「香港女兒」的象徵，文念中則說︰「我唔想標籤男定女，Ann係一個 香港人 嘅故事，佢忠於自己想做嘅嘢，即使經歷幾多高低，佢都會全心投入，我只希望觀眾更愛Ann。」

撰文︰羅婉玲

攝影︰沈健程

攝錄︰廖達燊

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！