公民黨余若薇、吳靄儀,賠率都有999倍,正常;五個辭職議員更冷到9999倍,合理。呢個網民吹水賠率表,另一有趣之處係民主黨九個議員賠率不一,李華明、李永達、張文光比較熱,賠率僅5倍;甘乃威、鄭家富、黃成智,賠率由7.5倍至8.5倍不等,意味網民覺得佢哋都好有潛質轉軚,至於值唔值得吼,八方覺得宜睇多陣,暫無意見。
民主黨主席何俊仁綽號「鐵頭仁」,條頸未必咁硬淨,轉軚賠率10倍,視乎民主黨會員大會事態發展,冷敲無妨,重注不必。20倍嘅涂謹申則暫時唔使留意。該黨副主席劉慧卿係80倍大冷門,九人中最冷,正路計睇都無謂,不過網民指卿姐既然入得民主黨,當心佢老馬有火性情反常,橫掂買重幾個熱門冇肉食,搭埋卿姐,博好分啲,此乃黑馬之選咁話。
mailto:
[email protected]