台慶劇《大太監》氣勢如虹，首周高開平均收視有33點，有傳黎耀祥又續約無綫博攞獎。

今年台慶頒獎禮玩全民投票，民意特別重要。為令《大太監》可以得到「最佳劇集」，所以《大太監》監製羅永賢最近秘密拍攝了另一個結局，還要求一眾演員守口如瓶，而牽涉到嘅人物，就係李蓮英個「對食老婆」倩蓉(胡定欣飾)，究竟使唔使死。

根據一早已收到風嘅結局，倩蓉會俾變奸嘅添壽(蕭正楠飾)監生打死，依家可能有變數。監製羅永賢接受雜誌訪問時承認另拍了另一個結局給觀眾揀，佢話：「結局會交代倩蓉嘅下場，最後係死定嫁第二個定削髮為尼。」但大家放心，佢無論死唔死，都一定一定唔會同李蓮英一團圓結局。因為歷史上同李蓮英「終老」嘅，係慈禧太后。