70年代以模特兒身份加入影圈的鄺美寶日前癌症離世，她當年活躍影壇時，跟邵音音、陳欣健和杜貞貞都有交往，《蘋果》今日致電陳欣健，他說：「我哋60年代識，當年成日一齊去重慶大廈嘅碧瑤夜總會玩，嗰度有個好勁嘅band，係潮人去聽音樂，佢成日跳舞，跳舞好叻，佢有選過『A Go Go小姐』，佢攞咗第三名，我哋當年同Danny仔（陳百強）同阿梅（梅艷芳）有一齊落DD玩，後來拍戲都少見。」

陳欣健表示去年曾在派對上重遇鄺美寶，彼此有問候，他說：「佢當時精神幾好，冇聽聞佢有病痛。」陳欣健接獲鄺美寶死訊非常婉惜，他說：「印象中佢係好開朗，善良同愛笑嘅女人。」

80年代跟鄺美寶熟絡的杜貞貞，今日接受《蘋果》訪問時說:「我都係睇到張煒喺facebook講先至知，佢係我哋大姐姐，80年代我哋成日一齊去玩，去disco，但失去聯絡好多年，直至幾年飲飯撞到，大家仲話要約食飯聚吓，可惜最後都冇約到，生老病死嘅嘢冇辦法，最近我睇番啲舊相，啲朋友走吓一個又一個。」
　
精選娛聞，喺晒《娛果》
http://fb.com/appledailyent