陳潔靈同林漪娸今日喺銅鑼灣出席由Hysan95《走遍天涯．不如此地》分享會，陳潔靈透露對利舞台嘅回憶最多：「華星年代唱片部已經喺利舞臺，仲有我第一個演唱會、香港小姐、新秀大賽都喺嗰度。嗰時利舞臺戲院要拆我都好唔捨得，嗰個舞台好似外國啲百老匯劇院咁。」

她回憶當年同林振強喺新寧道、恩平道開會造歌，又曾經同羅文等歌手喺利舞臺排練同演出，大讚係非常重要的地標。提到8月舉行嘅演唱會，陳潔靈表示已籌備得如火如荼：「o依家練緊歌，今次有巴士車身廣告，仲會喺演藝學院外牆有巨型poster。原本我都要閉關，不過自己又做埋監製都冇得閉，好彩我有個夢幻團隊，都唔會好辛苦。」

精選娛聞，喺晒《娛果》
http://fb.com/appledailyent