【棟析先機】「燈胆精英」納入正軌 排位靚再下一城(陳華棟)
谷草第四場燈胆精英陳華棟棟析先機排位靚
谷草明晚(18日)第一場「神馬飛揚」當然唔係乜嘢叻馬,但評30零分響第五班跑就點都有啲着數,而呢匹馬今季搏得唔多,依家體力仲係上乘。
兼且跑三次得一冠一亞、最擅長既谷中2200米,馬房肯定出盡火力鍊盡今場!
薛恩今季已經同呢匹馬合作過兩次,性能係點、最佳跑法係點,佢老哥已經心中有數,狀態佳又有啲賠率,千年老二薛恩應該可以贏番場!
第二場「木火同明」近幾仗都係由蔡明紹策騎,上仗10倍仲諗住偷雞,點知殺出個程咬金,影相輸咗只得第二,傷就一定啦!
所以今仗換上莫雷拉出擊,擺明就係不計賠率,志切要補中!
事實上次刻意改用留前鬥後跑法,走勢即時大幅改善,仄準再嚟而馬房未夠數必然盡拼,鬥志無疑信多佢一次。
第四場「燈胆精英」能力有限,所以評分好似瀉藥咁減落去,前仗評43分以為會直插到第五班先部署出擊,點知就響嗰場跟好位贏馬。
當大家以為佢一招了,但上場繼續有好走勢,咁就確認依家先至成熟,勇銳兼搵到谷中一哩原來最啱發揮,咁就咪留手繼續搏殺!
前仗締速勁又已納入正軌,加埋今仗檔更靚,有力再下一城!
--------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 --------------------------
《果GYM》隨身播 健身壹App過!
一按即玩