渣打同迪士尼一直有合作,60年代銀行為鼓勵小朋友儲蓄,就送過第一代唐老鴨錢罌,都算係大家集體回憶。好似渣打高層洪丕正咁,佢話5歲時爸爸媽媽幫佢開咗個渣打戶口,收到唐老鴨錢罌之後就將利是錢儲起,係唐老鴨教識佢儲錢咁話。
不過華華就覺得,家陣時代唔同,個錢罌都係畀大家留為紀念,ATM卡就實用好多。好似青年版ATM卡咁,除咗存款同查賬功能,父母仲可以設每日提款上限,仔女每次從ATM提款又會收到短訊通知,咁就唔怕仔女亂使零用錢。
渣打舊年5月推出Marvel ATM卡之後,3個月已發出超過3.6萬張新卡,吸納到唔少年輕客戶。如果家長想幫阿仔阿女拎限量版唐老鴨錢罌,就要喺3月底前開卡,不過最少要存20萬元入戶口!