【武漢肺炎】關淑怡恥笑特區政府抗疫靠廢話：除此之外冇政策
蘋果日報 2020/02/13 19:13
關淑怡武漢肺炎
（IG圖片）- 關淑怡恥笑特區政府沒能力對抗疫情。（IG圖片）
武漢肺炎持續在香港擴散，一向敢言的關淑怡，曾在IG中爆seed鬧林鄭帶領的特區政府搞到香港市民要捱夜排隊搶口罩及捱炒價買口罩，是「視市民如糞土」、又指林鄭是bull Xhit，更直斥她舉動猶如武則天。對於特區政府近日對抗疫的方法，關淑怡繼續不吐不快，在IG中恥笑政府。
本港疫情亦不斷擴大，截至現時已51名港人確診患上武漢肺炎，而關淑怡昨日就在IG中出post恥笑政府，指「群策群力，不亢不卑」就是政府預防武漢肺炎的方法，即是沒方法。「呢個係政府喺冇能力之下嘅鼓勵說話。佢哋不嬲有啲咩大件事收唔到科嘅都係用呢一招。一係就打謝你，一係就俾粒糖衣懵仔藥啊！呢個就係我哋嘅特別行政區的可行政策，除此之外冇政策！同photo session一樣！靠feel……冇feel就企喺度。」
之後，有網民回覆政府只是「用個肺」說話的時候，關淑怡就沒好氣地說：「Show must go on……繼續工作！我今日唔會再理佢哋講啲咩㗎啦。」