【欠親和力】
林鄭月娥予人「好打得」形象，多少與她任職發展局局長時，親下戰場與社運人士辯論有關。2007年，政府清拆皇后碼頭，保育人士發起保衞行動，當時參與抗議的立法會議員朱凱廸表示，林鄭當時親自「平起平坐」與抗爭者辯論的做法罕見，「證明佢係好有自信嘅人，反映佢唔認為同我哋辯論會輸」。
但朱凱廸同時形容，林鄭是「只要想做就一定要做到嘅人，『我係要做，吹咩』呢種人」。朱凱廸指，林鄭10年來多次繞過立法會，利用非政府機構的制度硬推不少項目，「由2007年處理市建局項目，至推西九故宮項目，手法一脈相承」，「根據佢過往做事手法，如果擁有埋特首權力，呢個人會好得人驚」。