蕭小姐與朋友在去年2月尾至3月初，參加勝景遊埃及團，報團時職員已介紹自費坐熱氣球，大家決定各付千多元一試。坐熱氣球當日一早出發，以便能夠趕及在空中看日出，她雖有畏高，但登上熱氣球後未有擔心，「駕駛員有經驗，起飛時慢慢升上去」。
他們各人在空中飽覽風景45分鐘後，熱氣球徐徐降落。蕭憶述，當時地面有10多名工作人員追着熱氣球試圖協助降落，「兩次降落都唔成功，最後駕駛員要減速降落」。經過這次體驗，再加上昨日慘劇，她表明不會再於埃及坐熱氣球，「舊年啱啱同一時間去，又係參加勝景遊，特別唔開心」。
去年新婚的林小姐與丈夫在3月到埃及度蜜月，也於樂蜀坐熱氣球看日出，「覺得係安全，好多朋友試過，嗰日同場有好多熱氣球一齊升上去」。
林小姐表示，上升前工作人員教路，一旦搖擺不定，便要蹲下或抓住繩子。在空中45分鐘十分穩定，只是期間被嚇了一跳，「（駕駛員）有一下拉操作桿，噴出勁大火，好響」。不過她被昨日慘劇嚇怕，以後外出旅行也不敢再坐熱氣球。
《蘋果》記者