37歲嘅丁子高一直都想同老婆楊千嬅追個B女，而丁生真係有keep住做運動keep fit，就好似今朝一早，佢就post跑步相，仲話：「不是狀態！」不過唔夠半日，佢竟然入咗醫院。

喺麥子樂IG喺夜晚post相，見到丁生瞓喺醫院病床上面，而佢老友兼姚子羚男友鄭子邦就坐喺隔籬指住丁生笑得好開心，麥子樂就留言：「去探病狂嗌嘢食！」雖然未知丁生點解入院，不過見到佢老友笑得咁開心，唔似有咩大礙噃！

冇耐之後，丁子高再update IG，大大隻字寫住：「我驗身咋！麥生...」之後佢仲tag埋麥子樂話：「你係咪食完飯冇嘢做呀？」原來body check啫！咁唔怪得知喺老友勁食嘅同時，丁生黑晒面啦！相信佢都係做檢查要斷食！