由於鯉魚門很大機會受風暴潮影響，政府昨日已開始在村內派發沙包，店舖負責人或村民，因汲取上次「天鴿」襲港的教訓，今早紛紛到村口取來沙包擋水保護家園。其中4代同住鯉魚門，開設海鮮檔的82歲葉婆婆，坦言非常擔心今次「山竹」來襲，上次「天鴿」，她未有取沙包擋水，水浸入屋，一家四口「舀」水「舀」到天光，海鮮檔的魚又死了不少，損失慘重。

今次葉婆婆特來取沙包，「上次唔識，今次特登來拎，搵沙包塞住啲窿、坑渠，上次水浸至膝頭，今次用兩嚿磚頭墊高雪櫃同家具。」葉婆婆表示，「我喺度出世住咗咁多年，未試過有水入屋，上次天鴿就入水，連溫黛都未試過入水」，她昨日已不敢入海鮮，現有的貨還剩一半有多，她無奈表示，「賣唔晒冇計，打風冇人入嚟食。」

葉婆婆女兒亦表示，主要潮水問題，如果吹東南風向廟方向，就冇咁大水，但如吹西北風，「我哋食到應！」她指「每次打風都擔心，希望個風吹歪啲，成個香港都安全啲」，她坦言，若明日颱風來襲時太厲害，她會先安排老人家及小童到庇護中心，但一定要有人留守家園，「要留低睇住啲水，電要關總掣。」

村民楊女士與丈夫亦到村口拿取沙包，她指至少拿10多20個，上年「天鴿」潮水已衝到門口，她預料今次「山竹」較「天鴿」厲害，恐怕潮水入屋，所以取來沙包頂住門口，又將電器墊高。她指除非好大雨好危險，否則仍會留守家園，「如果唔睇住間屋，番嚟仲麻煩，我哋有養狗，如果水入屋，啲狗就好麻煩，所以要睇住。」

有村民留守家園，亦有村民早早撤走。張女士偕女兒執拾輕便行李，早上就搬到附近朋友家暫住。她坦言好驚水浸，她丈夫在內地工作，所以她和女兒會暫住朋友家3幾日，等颱風過後才回家。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568