由韓劇《Doctor異鄉人》男星李鍾碩聯手《繼承者們》女星朴信惠主演嘅SBS新劇《Pinocchio》將於下月接檔劇集《對我而言可愛的她》首播，近日劇組公開咗預告片，片中李鍾碩戴上騎呢蓬鬆假髮，並進行測謊節目嘅挑戰，其間做出令人無法捉摸嘅表情，非常鬼馬。而預告片最後嘅鏡頭是兩位主角在夕陽下，在海邊深情對望嘅場面。李鍾碩在劇中會飾演一名寒酸嘅的士司機，朴信惠則飾演一說謊就會打嗝嘅記者。