星俠和無數散戶一樣在股海衝鋒陷陣，但開始發覺有個別證券行略為收緊散戶的孖展借貸，好似一向作風幾保守的某老牌證券行。星俠細詢過後，原來該行認為現時市況略高，權衡風險之下，遂決定不借太多孖展出去。
證券行動作有時亦係一種另類啓示，現今散戶熱炒的中資銀行股悉數爆升，但證券行唔畀你「炒咁大」，可能係一種「愛你」的表現（市況萬一逆轉可減少損失），但衝入去之前遭到勒住，肯定感到無癮。
今日繼續推介落後H股，大唐發電（991）剛公佈上半年發電量增35.5%，主因受惠發電機增加、機組運行可靠性提高及現役機組容量增加。閱遍幾份大行報告，均對該股評價正面，某中資大行將該股目標價上調至14元過外。

事實上大唐A、H股折讓高達57%，H股相對十分吸引，即使炒上15元也唔出奇，現價不妨吸納，失守10.7元則止蝕。