洪小姐之前已買了旺角逸新一個開放式單位，樓價唔使400萬元，390幾萬，她買完再買，今日記者在另一個新盤售樓處，又撞到洪小姐。屯門城·點今日開售，洪水姐亦來趁熱鬧。

她被記者發現後，笑笑口接受訪問，洪小姐應該心諗，又會被記者認得。她說，無錯，今日來係想買多間細單位投資，都係預算400萬左右，目標戶型是無房，即開放式。被問到一買再買，係咪好睇好樓市，「咁細銀碼，買舊樓又擔心維修問題，新樓成交期又長，可慢慢籌備」。由於洪小姐本身為非首置人士，若以個人名義再增持物業，須支付15%印花稅，她反而這樣想：「你為左稅唔俾，咁樣你咪永遠係度等！」，錯過入市機會。

被問到政府計劃推出首置上車盤對樓價的影響，她認為，全港六百萬人，超過一半人想買樓，樓價不會有影響。

居於屯門的洪小姐被問到手上有幾多樓，有10間8間嗎，她笑說：「少少啦」

記者︰朱連峰
攝影︰黃耀興

蘋果財經，關心你飯碗
http://fb.com/appledailyatm