ITU電訊展下星期開幕，作為立法會資訊科技界代表，單雞梗係忙到暈，佢話嗰個星期，每晚唔係有飯局就係有酒會，真係食唔停，咁即係冇乜機會返屋企食住家飯，同時又慳番唔少飯錢啦。就係因為太忙，所以細仔就嚟考試，佢都好難成日谷佢讀書，惟有使出絕招，就係叫太太請假監場；人哋陪太子讀書，佢太太就陪細仔讀書，真係現代廿四孝媽媽，亦睇出單雞幾咁大男人。
雖然呢個老竇好鬼嚴，但查實都好錫細仔，諗緊買部PS3畀佢，但𠵱家未係時候，點解？都係一個字：貴，惟有等跌價先買，希望細仔唔會等到頸都長啦。